Gara - gara "Hape" jelema jadi poho sagalarupa...

masukkan script iklan disini

Mang Encum Samagaha

Pamajikan poho ka salakina, salaki balik gawe cape jawabna simple "Emam mah meser we nya yah", bari surungah serengeh ngaleos nyenyekel hape...

Salaki poho ka pamajikanna, ngomen status awewe sejen mah  "cemumut beibs", pamajikanna ngagesruk nyeuseuh mah pura-pura teu katempo...

Indung poho ka anakna... Budak leweh teu pati di palire da konsentrasina kana hape... "Tong rewel de, bunda lagi kerja," bari ragamang deui kana hape...

Poho gawe, poho masak, poho dahar,... Dahar ku dahar na kudu cekrek heula update status, tungtungna dahar na teu beres sabab malesan komen batur...

Waktu sare jadi ngurangan sabab nyonyoo hape, mepende budak bari ngepoan status, komo salaki ngajakan sare mah ringkes jawabna teh "Lah carape ke weh ari pareum lampu," da pedah ari pareum lampu mah goreng sinyal... Astagfirullah...

Waktu ibadah beak ku update status jeung fofotoan... Tuntungna rumah tangga jeung diri teu ka urus sabab beak waktu ku nyonyoo hape... Mun geus kitu kira-kira hape madarat teu??? #kopisiang #mangEncumSamagaha